| مدت سے یادِ دلبر ہستی سجا رہی ہے |
| آزردگی یہ لیکن من کی بڑھا رہی ہے |
| یادیں درِ نبی کی آئیں دلِ حزیں میں |
| ہر آنکھ میرے من میں آنسو بہا رہی ہے |
| بادِ نسیم دیکھیں کتنی مہک رہی ہے |
| شاید یہ عطر لے کر بطحا سے آ رہی ہے |
| الطافِ مصطفیٰ سے دل میں اٹھی امیدیں |
| کب جانے یہ سواری بطحا کو جا رہی ہے |
| عشقِ نبی اے ہمدم سرکار کی عطا ہے |
| محشر کے خوفِ سے جو دل کو بچا رہی ہے |
| حسن و جمالِ یکتا، آتی ہے یادِ بطحا |
| لے جا مجھے ہوا گر فاراں کو جا رہی ہے |
| توصیفِ حسنِ جاں سے، اس دل میں دھڑکنیں ہیں |
| جو ویراں سا پڑا تھا، گلشن بنا رہی ہے |
| محمود میرے سرور سید ہیں دو سریٰ میں |
| ہستی ازل سے نغمے اُنہی کے گا رہی ہے |
معلومات