اعلیٰ بلند یوں پر جن کا مقام ہے |
اُن پر درودِ ربی آتا دوام ہے |
ہستی کے بس میں کب ہے مدحت حبیب کی |
کرتا ثنا نبی کی رب کا کلام ہے |
ارفع کیا خدا نے ذکرِ لبیب کو |
ڈنکا دہر میں اونچا جن کا مدام ہے |
شیریں ہے شہد سے جو ہے نامِ مصطفیٰ |
اُن پر درود دائم بے حد سلام ہے |
محبوب خلد سے درِ مصطفیٰ اسے |
کہتا عُلیٰ دہر میں اُن کا غلام ہے |
جن کے فدا کو حاصل ہیں کامرانیاں |
اعلیٰ ملا خدا سے اُن کو مقام ہے |
محمود دان مانگے آلِ کریم کا |
اعمال میں یہ کچا ناقص ہے خام ہے |
معلومات