کچھ اپنے دل کا راز بتاؤ گے یا نہیں |
تم سچ کہو کہ سچ کو چھپاؤ گے یا نہیں |
آئیں گے ہم بُلاؤ گے تو ، سر کے بل وہاں |
بتلاؤ یہ کہ ملنے کو آؤ گے یا نہیں |
ہم اپنے اعتماد کا کیا کیا ثبوت دیں |
اب اور کوئی آگ جلاؤ گے یا نہیں |
عادی ہیں زخم کھانے کے، ہم اس کے پیار میں |
تر کش سے اور تیر چلاؤ گے یا نہیں |
ہم پی رہے ہیں میکدے میں کب سے دوستو |
ساقی سے تم کہو تو ، پلاؤ گے یا نہیں |
کچھ تو کہو کہ بھاری ہیں دیکھے ہیں جو نشاں |
کچھ بو جھ دل کا ہم سے بٹاؤ گے یا نہیں |
کب تلک چلو گے دشت میں پانی لےٴ بغیر |
تم اپنی تشنگی کو بجھاؤ گے یا نہیں |
عیسیٰ کے انتظار میں کب تک رہو گے تم |
تربت پہ اس کی ، پھول چڑھاؤ گے یا نہیں |
وہ آگیا مسیح ، بدلنے تمہارے دل |
اب جشن اس کا مل کے مناؤ گے یا نہیں |
طارق ہوا فریفتہ ہے اس کو دیکھ کر |
تم بھی تو اس سے دل کو لگاؤ گے یا نہیں |
ڈاکٹر طارق انور باجوہ لندن |
معلومات