| تم سے لگائی شرط جو ہاری نہیں کبھی |
| کہہ دو گے یاد آئی تمہاری نہیں کبھی |
| سچ سچ بتاؤ تم کہ ہوا ہے یہ حال کیوں |
| کاجل سے آنکھ بھی تو نکھاری نہیں کبھی |
| جینے لگے تھے ہم بھی مگر تم گئے تو پھر |
| ہم کو رہی یہ زندگی پیاری نہیں کبھی |
| سانسوں کا سلسلہ ہے سو جاری ہے اب تلک |
| ہم کو لگا یہ بوجھ تو بھاری نہیں کبھی |
| سنجیدہ گفتگو بھی غزل میں ہوئی مگر |
| یہ حسن و عشق سے رہی عاری نہیں کبھی |
| ہم نے بھی جس کے نام کبھی کی تھی زندگی |
| گزری ہے اس کے بِن یہ گزاری نہیں کبھی |
| پیغام تم کو دینا پڑا ہے کہ آؤ گے |
| کیا اس سے پہلے تم نے کی ، یاری نہیں کبھی |
| طارقؔ خیال و خواب سے ہے ماورا حیات |
| سمجھا کو ئی بھی اصلیّت ساری نہیں کبھی |
معلومات