| یا مصطفیٰ صلے علیٰ دلدارِ من اے سیؐدا |
| برہانِ رب تو آنِ من سلطانِ من اے دلربا |
| تو ظلمتوں کی چاندنی اے رحمتِ ہر دوسریٰ |
| ہے عشق جاں یاقوتِ جاں ہو یہ جہاں یا لامکاں |
| مولائے من سلطانِ ما محبوب ربِ کبریا |
| تجھ سے رواں ہر نہر ہے آباد تجھ سے بحر ہے |
| کہف الوریٰ نورِؐ ہُدیٰ رتبہ ہوا تیرا عُلیٰ |
| آکاش میں سب سے ضیا ہے پرتو تیرے نور کا |
| کونین بھی اس سے بنا یہ ہر جگہ اول رہا |
| سالار تو ہے رزم میں دلدار تو ہے بزم میں |
| غمخور تو میرا سدا ہر آن تو ہی آسرا |
| محتارِ کل ہے تو شہا ختم الرسل بھی تو شہا |
| دولہا رسولوں کا ہے تو یا سیدا یا سرورا |
| یہ دے رہا ہے من صدا جس سے ملی ہے کل شفا |
| ہر دکھ کو بھی دافع ہوا صلے علیٰ صلے علیٰ |
| اے زینتِ کونین رب دارین میں تیرا ہے سب |
| جاری سدا تیری ثنا فرشِ زمیں تا منتہیٰ |
| محمود مدحت یار کی توصیف یہ سرکار کی |
| یوں بحر تیرا جو کھلا یہ کرم ہے دلدار کا |
معلومات