| میں رنگے دنیا میں کھو چکا ہوں مجھے خدارا بچا لیں آقا |
| عطا ہو عشقِ بلال مجھ کو غلام اپنا بنا لیں آقا |
| مرے گناہوں کا بوجھ سر پر مجھے مسلسل دبا رہا ہے |
| اندھیر نگری میں گم ہوں کب سے مجھے یہاں سے نکالیں آقا |
| مجھے تو کچھ بھی نظر نہ آئے کرم کے مالک ترے سوائے |
| نگاہِ لُطف و کرم ہو مجھ پر مجھے بھی اپنا بنا لیں آقا |
| نئ نئ منزلوں کی خواہش میں اپنی منزل سے کٹ گیا ہوں |
| رہے نگاہوں میں نوری جلوہ حجاب میرا ہٹا لیں آقا |
| عجب تھا منظر عجب گھڑی تھی نگاہ روضے پہ جب پڑی تھی |
| عتیق پر ہو کرم دوبارا مدینے اب پھر بلا لیں آقا |
معلومات