| وصل کو فرقت بنا کے کہا شہ اور مات |
| گت میں یوں فرزیں کو لا کے کہا شہ اور مات |
| عرضِ وفا پر کہا، جا، مری جانے بلا |
| مرتا ہے مر جا، جلا کے کہا شہ اور مات |
| میں نے جب ان سے کہا، کوئی ہے شرم و حیا؟ |
| آنکھوں سے آنکھیں ملا کے کہا شہ اور مات |
| حالتِ دل جو بیاں کی تو وہ مغرور نے |
| تن کے بھویں اور چڑا کے کہا شہ اور مات |
| چال چلے ہیں بہت ٹیڑھی کہ رخ لے لیا |
| میرے پیادے گرا کے کہا شہ اور مات |
| مہرہ بنا پہلے دل ان کے ہی دل کے لیے |
| فیل سے پھر فیل اڑا کے کہا شہ اور مات |
| دشتِ چتورنگ میں طے ہے پیادے کی ہار |
| کھیل کچھ ایسا رچا کے کہا شہ اور مات |
| وصل میں اول تو ڈھیل دیتے گئے اور پھر |
| ہجر میں ہم کو پھنسا کے کہا شہ اور مات |
| بھاگتا پھرتا ہوں تن تنہا کہ جوں بادشا |
| زیبؔ کو آخر گرا کے کہا شہ اور مات |
معلومات