مٹی سے مٹیالے رہبر |
زہریلے پھن والے رہبر |
جمہوری ادواروں میں بھی |
وردی کے متوالے رہبر |
راتوں کے دیوانے نکلے |
اجیالوں کے ڈھالے رہبر |
کیسے جی لیں جب بن جائیں |
دشمن سب گھر والے رہبر |
من آنکھوں میں ڈولے جا ئیں |
کانوں والے بالے رہبر |
کیا منزل رستے، بن جائیں |
پاؤں کے جب چھالے رہبر |
دھوکا ہیں داڑھی والے ہوں |
یا ہوں موچھوں والے رہبر |
دھرتی پر پھنکارے جائیں |
اس دھرتی کے پالے رہبر |
مجھ میں میرے، تجھ میں تیرے |
ہر سو دو منھ والے رہبر |
ہر اک سو گھیرے بیٹھے ہیں |
ہاتھ ہاتھوں میں ڈالے رہبر |
اپنے ہاتھوں پالے ہیں یہ |
آفت کے پر کالے رہبر |
الٹا تو معلوم ہوا ہے |
اوڑھے تھے دوشالے رہبر |
نا اہلی سے بن جائیں گے |
دریا نہریں کھالے رہبر |
گھس بیٹھے ہیں ایوانوں میں |
کالے چہروں والے رہبر |
ہر ناگن زلفوں والی کے |
پروانے متوالے رہبر |
ملکی دولت پر بیٹھے ہیں |
کب سے پہرے ڈالے رہبر |
معلومات