ہمیں بخش دے ہم دعا مانگتے ہیں |
بلاؤں سے مولیٰ رہا مانگتے ہیں |
تِرا نام رحمٰن ہے رحم کر دے |
تِری رحمتوں کو خدا مانگتے ہیں |
جو تاریک دل کو بھی اجیار کر دے |
مرے مولیٰ ہم وہ ضیا مانگتے ہیں |
پشیمان ہیں جان پہ آ پڑی ہے |
وباؤں سے رو رو شفا مانگتے ہیں |
خطاؤں پہ شرمندہ ہیں یا الٰہی |
تِرے فضل کی ہم عطا مانگتے ہیں |
سِوا کون تیرے سنے میرے دل کی |
تجھی سے خدا جا بجا مانگتے ہیں |
مِرا خاتمہ ہو مع الخیر یا رب |
دعا صدقۂِ مصطفی مانگتے ہیں |
کرم کی نظر ہو تصدق حزیں پر |
کرم کی خدایا ! گھٹا مانگتے ہیں |
معلومات