| تمہاری آنکھوں کے صدقے سارے |
| ستارے چادر سے جھانکتے ہیں |
| تمہارے آنچل کے استعارے |
| ہیں کھلتے موسم کے رنگ سارے |
| جو مسکرا دو تو چاند روشن |
| نہ مسکراؤ تو دن بھی مبہم |
| ستار سارے ہیں ساز بھرتے |
| تمہاری سرگم کے سارے خادم |
| ہو گلستاں سے گزر تمہارا |
| تو گل سبھی کھلنا بھول جائیں |
| تمہاری خوشبو کی دھن ہے ایسی |
| پرندوں کے چہچہانے جیسی |
| سبھی ترنم میں جھوم جائیں |
| جو تم ذرا سا بھی مسکرا دو |
| جو آنکھ دیکھے نہ دیکھ پائے |
| تمہارے آنچل سے آگے دنیا |
| تمہارا ہونا دلیلِ صبحُ |
| تمہارے ہونے سے زندگی ہے |
| تمہارے چہرے کے واسطے ہی |
| جہان میں روشنی ہوئی ہے |
| تمہارے ہونٹوں کے آسرے ہی |
| ہے شبنموں کا گلوں سے رشتہ |
| تمہیں قسم ہے زمانے بھر کی |
| کہ مسکراتی رہا کرو تم |
| کہ مسکرانا تمہارا ہم کو |
| سکھاتا ہے زندگی نبھانا |
معلومات