| عشق اور محبت کے |
| دُکھ عجیب ہوتے ہیں |
| کیا نہیں سُنا تم نے |
| راستے میں اُلفت کے |
| آندھیوں کے ڈیرے ہیں |
| وحشتوں کے پھیرے ہیں |
| دَرد کے زندان میں |
| دھوپ کے فقدان میں |
| سانس تَھمنے لگتی ہے |
| آگ جَلنے لگتی ہے |
| کوئی بھی نہیں آتا |
| بس اندھیرا ہوتا ہے |
| دَرد رعکس کرتے ہیں |
| دُکھ گھنیرا ہوتا ہے |
| آندھیوں کا شُور جب |
| حد سے بڑھنے لگتا ہے |
| دل تجھے بلاتا ہے |
| چِیختا چِلّاتا ہے |
| روح سہم جاتی ہے |
| جسم تھر تھراتا ہے |
| تب کوئی کیا کرے یاسر |
| کسے حال دل کہے یاسر |
معلومات