| جنوں میں تیرے میں گھر کا طواف کرتا ہوں |
| گناہ تیرے یہ کہہ دے معاف کرتا ہوں |
| تُو جانتا ہے کہ نادِم ہوں میں گناہوں پر |
| بہا کے اشک جو دل پاک صاف کرتا ہوں |
| میں ہر قدم پہ ترا شکر تیری حمد کروں |
| کہ اختیار یہ رستہ مَطاف کرتا ہوں |
| تری رضا مرا مقصودِ زندگی ہر دم |
| تُو روک دے جو میں اس کے خلاف کرتا ہوں |
| لباسِ تقوٰی مکملّ ہو وہ رفو کر دے |
| گناہ کر کے جو اس میں شِگاف کرتا ہوں |
| نگاہِ لطف تری کا ہوا ہوں میں طالب |
| اسی لئے ترے گھر کا طواف کرتا ہوں |
| قبول کر لے دعائیں تُو اپنے بندے کی |
| تجھے یہ عرض پکڑ کر غِلاف کرتا ہوں |
معلومات