جس سمت نظر جائے ایسا ہی نظر آئے |
یا رب تِرے محبوب کا جلوہ ہی نظر آئے |
پوچھے گا اگر رضواں جاتے ہو کہاں جاتے |
کہدونگا مجھے میرا مدینہ ہی نظر آئے |
سرکار کی چاہت میں ہو بند مِری آنکھیں |
خوابوں میں شہِ دیں کا چہرہ ہی نظر آئے |
اللہ کے محبوب کو بیدار کریں کیسے |
جبرئیل امیں کو تِرا تلوہ ہی نظر آئے |
دل میرا تڑپتا ہے روتی ہیں بہت آنکھیں |
ہر وقت مدینے کا رستہ ہی نظر آئے |
اجمیر کی دھرتی سے جے پال یہ بولا تھا |
جس لمحہ اٹھیں نظریں خواجہ ہی نظر آئے |
اتنا سا کرم کر دیں سرکار تصدق پر |
جو لفظ لکھے نعت کا مطلع ہی نظر آئے |
معلومات