.jpg)
| مِرے دل میں آئے بہارِ مدینہ |
| بنے دَشت بھی آبشارِ مدینہ |
| مِلے رُوح کو قُربِ شاہِ مدینہ |
| رَہے آنکھ میں اِنتظارِ مدینہ |
| رَہیں گے ہمیشہ وہؐ قَلب و نَظر میں |
| مِلیں گر مُجھے تاجدارِ مدینہ |
| نہیں اور کوئی بھی اِنسان کامل |
| زُبانِ خُدا نامدارِ مدینہ |
| علؑی مِثلِ ہارونؑ نائب بنے ہیں |
| علؑی وارثِ ذُوالفِقارِ مدینہ |
| مُرادِ علیؒ نے جو لقمے چکھے ہیں |
| وہ نوری غذا ہے یہ پیارِ مدینہ |
| میں نازاں ترے وقتِ آخر پہ حافظؒ |
| ملا ہے تمہیں تو قرارِ مدینہ |
| ملا جامِ عشقِ محمدؐ ہے جن سے |
| وہ خواجہ مِرے خاکسارِ مدینہ |
| یہی ہے حقیقت، یہی دین و ایماں |
| کہ جنت نِشاں ہے نِگارِ مدینہ |
| پَھل و پُھول طیبہ کے چنتے سبھی ہیں |
| سَجاؤں گا میں ریگزَارِ مدینہ |
| غُلامی میں مُجھ کو یہ رُتبہ عطا ہو |
| بَنوں خاک پہنچوں دَیارِ مدینہ |
معلومات