| بطحا سے خوشبو لائی فاراں کی جو ہوا ہے |
| اس فیض سے ملی پھر ہر جان کو ضیا ہے |
| رحمت کی جو گھٹائیں آتی ہیں جھوم کر پھر |
| پر کیف ان سے لگتی ہر باغ کی فضا ہے |
| شہرِ نبی میں تاباں ہے خلد اس زمیں پر |
| ہے فیض جس سے اس کو محبوبِ کبریا ہے |
| کب دیکھوں گا اے مولا وہ جالیاں سنہری |
| دن رات اس زباں پر رہتی یہی صدا ہے |
| نوری ادب سے آ کر یہ در ہی چومتے ہیں |
| روضہ کی خاضری بھی ہر خیر کی بنا ہے |
| ہجرِ نبی میں جو دل رہتا سدا حزیں ہے |
| تریاق اس کی خاطر سرکار کی ثنا ہے |
| محمود کام تیرا ان پر درود ہر دم |
| سارے دکھوں کی اس میں بے حد چھپی شفا ہے |
معلومات