| خلقِ خدا ہے نازاں سرکار مل گئے ہیں |
| خُلقِ عظیم آقا دلدار مل گئے ہیں |
| اُن کے گھرانے پر ہم کرتے ہیں جاں نچھاور |
| کچھ ساتھ عشقِ جاں سے سرشار مل گئے ہیں |
| بیمارِ عشق جاناں راضی ہیں اس عطا پر |
| بطحا سے ان حزیں کو اقرار مل گئے ہیں |
| ہے راہِ زندگی اب دشواریوں سے خالی |
| جو قافلے کو اعلیٰ سالار مل گئے ہیں |
| ناسوت کے جہاں میں کچھ شاد شاد ہیں من |
| اس فخر میں کہ ان کو مختار مل گئے ہیں |
| دائم یوں یادِ جاں میں، ان کو سکون دل ہے |
| عشقِ نبی سے ان کو، جو پیار مل گئے ہیں |
| قربان جاں ہیں کرتے یہ عظمتِ نبی پر |
| خوش ہیں کہ ان کو شاہِ ابرار مل گئے ہیں |
| مولا کو علم پورا جن کے مقام کا ہے |
| ہستی کو اُن سے پیارے انوار مل گئے ہیں |
| معمور لطفِ جاں سے گلشن جہان کا ہے |
| اس کو مدینے والے بازار مل گئے ہیں |
| قربان جان میری اُن کی عطائیں مجھ پر |
| کیا جانے کتنے گوہر یک بار مل گئے ہیں |
| محمود کامرانی ان کے قدم کو چومے |
| جن کو مدینے والے سرکار مل گئے ہیں |
معلومات