| اس کا ملنا سراب ہی جانا |
| خواب کو میں نے خواب ہی مانا |
| ایک کنکر ہوں ایک کنکر کی |
| قسمتوں میں ہے ٹھوکریں کھانا |
| ہیں کٹھن سچ کے راستے دیکھو |
| ہم نے تم سے یہی کہا تھانا |
| وہ پرائے ہیں وہ پرائے ہیں |
| کتنا مشکل تھا دل کو سمجھانا |
| وقت لوٹائے وہ بھی قرض ہم نے |
| جن کا لازم نہیں تھا لوٹانا |
| وقت آیا تو فیصلہ ہو گا |
| یوں تو ہر اک ہے جانا پہچانا |
| ہر کسی کے ہیں ان گنت چہرے |
| سوچ کر تم کسی کو اپنانا |
| دیکھ لو سب تمہیں بھلا بیٹھے |
| پھر بھی تم نے مجھے نہ پہچانا |
| اے ہوا بس یونہی، کبھی ان کے |
| رخ سے آنچل ذرا سا سرکانا |
| جب گئے تو گئے حبیب ہم نے |
| مڑ کے سیکھا نہ تھا پلٹ جانا |
معلومات