درد ملت کا ہمیں رکھنا سدا ہے محترم |
عافِیت اندیشی میں رہنا فنا ہے محترم |
انقلابی کاموں میں بڑھ چڑھ کے حصہ لیں ضرور |
نوجواں بھی ساتھ ہوں گر، تو مزا ہے محترم |
امتحاں سے خوف کھانا بزدلی کا ہے نشاں |
مشکلیں رہتی ہیں مہماں، کچھ پتا ہے محترم |
داستانِ ماضی سے عبرت پکڑنی ہے ہمیں |
عیش و عشرت میں جکڑنا، بد نما ہے محترم |
جاں نچھاور قوم پر، رہتا یہ دل بھی ہے فدا |
صاف ہے من اور جزبہ با وفا ہے محترم |
کاوشیں انتھک کریں گے ہم یہاں ناصؔر اگر |
کہہ سکیں تب حالِ مستقبل جدا ہے محترم |
معلومات