| درد جس پے نہال ہے مرشد |
| چلتا پھرتا غزال ہے مرشد |
| جس میں شامل نہیں تری مرضی |
| ایسا جینا وبال ہے مُرشد |
| تیر گہرا اُتر گیا دل میں |
| چشمِ نم دیکھو لال ہے مرشد |
| یہ جو اُوڑھی ہے اپنے تن من پر |
| تیری یادوں کی شال ہے مرشد |
| سانس رُک رُک کہ میری چلتی ہے |
| آرزوؤں کا قال ہے مُرشد |
| کچھ نصیبوں نے ہم کو مارا ہے |
| کچھ رقیبوں کی چال ہے مرشد |
| تُو نے دیکھا نہیں پلٹ کے پھر |
| کیا کہیں بس زوال ہے مرشد |
| تیری صبحیں سنوار نا پایا |
| مجھ کو یہ ہی ملال ہے مرشد |
| یاسر ادنا سا ایک دیوانہ |
| اور تُو بے مثال ہے مرشد |
معلومات