| کہ جگنو کی طرح تیری محبت ٹمٹماتی ہے |
| مَیں رستہ بھول جاؤں تو مجھے رستہ دکھاتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مُجھے برباد حالوں نے بتایا دشت میں آ کر |
| سلیقہ زندگی کا تو یہ دنیا ہی سکھاتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مری معصوم سی گڑیا مرا سب کچھ زمانے میں |
| ابھی غم دُور ہیں اُس سے ہمیشہ مُسکراتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مری ہمدم مرے گھر کا اجالا ہے مرے یارو |
| ہاں کتنے پُھول کھلتے ہیں وہ جب جب کھلکھلاتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مُجھے تِیرا شبی کا ایک اک پل یاد آتا ہے |
| ستاروں کی طرح جب یہ حیاتی جھلملاتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اجالوں کے مُسافر کو کبھی تو لوگ سمجھیں گے |
| کسی گہرے سمندر میں یہ خواہش ڈوب جاتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نئی امید لے کر اک نیا سورج ابھرتا ہے |
| اندھیرے بھاگ جاتے ہیں محبت رنگ لاتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دیارِ غیر میں پاؤں نہیں ٹِکتے کہیں اک پل |
| مجھے ارضِ وطن جب خواب میں واپس بلاتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مری دھڑکن بڑی ہی تیز ہے پچھلے مہینوں سے |
| دیا بجھنے سے پہلے لو ہمیشہ تھرتھراتی ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میں اکثر رات کو روتا ہوں تنہائی کے لمحوں میں |
| مجھے پردیس میں مانی مری ماں یاد آتی ہے |
معلومات