| پھر سے چمکا ہے ہلالِ ماہِ نور |
| پندرہ سوواں ہے میلادِ حضور |
| ۔ |
| باغِ مرسل کے گلِ گلدار ہیں |
| کل جہاں کے رہبر و دلدار ہیں |
| واقفِ اسرار رب کے یار ہیں |
| دو جہاں کے مالک و مختار ہیں |
| ۔ |
| آ گئے وہ شافعِ یوم النشور |
| پندرہ سوواں ہے میلادِ حضور |
| ۔ |
| جگمگایا نورِ شہ سے آسماں |
| بزمِ ہستی کی وہ ہیں روحِ رواں |
| ماہتاب و آفتاب ان کے گدا |
| نور ان سے مانگتی ہے کہکشاں |
| ۔ |
| چھا گیا سب پر عجب سا اک سرور |
| پندرہ سوواں ہے میلادِ حضور |
| ۔ |
| آلِ نجدی تیرا جلنا ہے فضول |
| عشق احمد میں نہیں دخلِ عقول |
| حبِ شاہِ دو سرا اصل الاصول |
| ہیں خدا کے نور کی نوری فصول |
| یا الٰہی صدقۂ آل رسول |
| یہ سجاوٹ یہ چراغاں ہو قبول |
| ۔ |
| گھر گلی کوچے سجانا تم ضرور |
| پندرہ سوواں ہے میلادِ حضور |
| ۔ |
| خوش ہیں سب اہلِ فلک اہلِ دؤل |
| آ رہے ہیں وہ حبیبِ لم یزل |
| گھومتے پھرتے ہیں عاشق خلد میں |
| جشنِ میلاد النبی کا ہے یہ پھل |
| ۔ |
| سب بلائیں عاشقوں سے بھاگی دور |
| پندرہ سوواں ہے میلادِ حضور |
| ۔ |
| عشق کا کرنا تم اظہارِ کمال |
| یوں ہی میلادِ شہ منانا سال و سال |
| گاڑنا جھنڈے لگانا لائٹیں |
| تم پہ آئے گا نہ اے لوگو زوال |
| . |
| ہے مدثر عیدِ مولد کا سرور |
| پندرہ سوواں ہے میلادِ حضور |
معلومات