| ڈھونڈتے رہتے ہو کچھ اُن راستوں کے درمیاں |
| زندگی بیتی تھی جن پر حسرتوں کے درمیاں |
| تھک کے آ بیٹھا پرندہ پھر اسی دیوار پر |
| جس پہ اک عرصہ گزارا دوستوں کے درمیاں |
| کاش مل جائیں وہ ساتھی دوست ہم راہی کبھی |
| درد بانٹا کرتے تھے جو عسرتوں کے درمیاں |
| آج بھی ان پر تاسّف ہے بہت نادم ہوں مَیں |
| وہ جو کچھ لمحے گزارے نفرتوں کے درمیاں |
| کچھ زیادہ فرق نہ تھا میری ان کی سوچ میں |
| ایک مجبوری بنی تھی قربتوں کے درمیاں |
| چند لمحوں کی جدائی نے بدل دی زندگی |
| کوئی آ کر گھُس گیا ان ساعتوں کے درمیاں |
| آج بھی ان شادیوں کا حال دل پر نقش ہے |
| چھین لیتے تھے پلیٹیں دعوتوں کے درمیاں |
| قافیے میں کچھ تغیّر آگیا تو کیا امید |
| ماہِ رمضان آئے گا اب گرمیوں کے درمیاں |
معلومات