| کلام بحضور ولی کامل صوفی باصفا فنا فی اللہ آفتاب ولایت حضور سیدی سندی آقائی مرشدی حضرت حافظ سید وارث علی شاہ علیہ الرحمۃ الرضوان |
| رنگ دو اپنے ہی رنگ میں وارث |
| رنگ ہے تیرے سنگ میں وارث |
| رنگ کے تیرے میں متوالا |
| بھردو انگ میں انگ میں وارث |
| میلا ہوا ہو ں مورے پیا میں |
| کردو اجلے رنگ میں وارث |
| آج ہوں بیٹھا دھونی رمائے |
| جلووں میں تیرے گنگ میں وارث |
| دنیا کے رنگوں سے مجھ کو بچا لے |
| آیا ہوں ان سے تنگ میں وارث |
| غوث پیا کے تم ہودلارے |
| آؤ نا ان کے سنگ میں وارث |
| داس میں تیرا دیوہ کے راجا |
| کردو نا داس کو ڈھنگ میں وارث |
| جام پلادو رنگ چڑھا دو |
| تیرا کہلاؤں جگ میں وارث |
| دھل دھل جاۓ دل کی نگریا |
| ہاۓ اٹا ہے زنگ میں وارث |
| واسطہ تم کو مولا علی کا |
| بن جاؤں ترا سگ میں وارث |
| درد بڑھاۓ مجھ کو ستاۓ |
| کیسا پڑا ہوں روگ میں وارث |
| پاس نہیں کچھ آس بندھا دو |
| کچھ تو ہو توشہ سنگ میں وارث |
| ہاۓ فراق کا مارا بے چارہ |
| ہائے پڑ ا ہے جوگ میں وارث |
| رقص کروں پیا تورے دوارے |
| تیرا ہوں تیرا ملنگ میں وارث |
| نام ترا لوں گم گم جاؤں |
| آیا ہو ں دیکھو ترنگ میں وارث |
| مطرب بناۓ مست بناۓ |
| ہو گیا شوخ و شنگ میں وارث |
| خاکی کی منگ ہے شاد سلامت |
| کیسے رہے یہ سوگ میں وارث |
معلومات