| ہر طرف ڈنکا بجا صوفی نظام الدین کا |
| مرتبہ کیا واہ وا صوفی نظام الدین کا |
| درِ یکتائے زمانہ علم و فن کے تاجور |
| ہر کوئی شیدا ہوا صوفی نظام الدین کا |
| بارشِ انوار ہوتی ہے چلو! اگیا چلیں |
| فیض کا ہے در کھلا صوفی نظام الدین کا |
| جھومتے عشاق ہرسو شادماں اہلِ خرد |
| عرس ہے اب آگیا صوفی نظام الدین کا |
| پیکرِ رشد و ہدایت ،پیشوائے اہلِ حق |
| دہر میں سکہ چلا صوفی نظام الدین کا |
| ہوگئی مبرور میری ہر دعا ہر التجا |
| لے لیا جب واسطہ صوفی نظام الدین کا |
| میری نظروں میں زمانہ ہیچ ہے ہاں ہیچ ہے |
| جب سے ہوں منگتا بنا صوفی نظام الدین کا |
| دیکھ کے چہرہ تصدق! یاد آتا ہے خدا |
| روپ ایسا با خدا صوفی نظام الدین کا |
معلومات