| غزل |
| یار مل جائے، تو مل جائیں خزانے سارے |
| چند لمحوں میں سمٹ جائیں زمانے سارے |
| دَرد تازہ مرے بازیچۂ دل میں بَو دَو |
| دوست کملا سے گئے زخم پرانے سارے |
| حسرتیں تشنہ ہزاروں مرے دِل میں رہتیں |
| گرچہ سچ ہوتے مرے خواب سہانے سارے |
| ہم سناتے تھے حسد، طیش دِلانے تم کو |
| جھوٹ قصے تھے، فسانے تھے، فسانے سارے |
| ہاتھ زخمائیں گے اندیشہ نہ ہوتا اے دل |
| خَلق آ جاتی ترے کانچ اُٹھانے سارے |
| عرض میری وہ توجہ سے اگر سن لیتے |
| چند لفظوں میں سمٹ جاتے فسانے سارے |
| جَلد دستانے چڑھا لو گے، شہاب احمد تم |
| لوگ آ جائیں اگر ہاتھ مِلانے سارے |
| شہاب احمد |
| ۱۶ ستمبر ۳۰۲۵ |
معلومات