| لالہ و گل ، گل و بلبل کو قرار آۓ |
| آ بھی جاؤ چمنِ دل میں بہار آۓ |
| جرمِ امیدِ وفا کی یہ سزا پائی ہے |
| منصفِ دل کی عدالت سے سرِ دار آۓ |
| راحتِ جاں ! غمِ دوراں کا ستم ایک طرف |
| جب بھی آۓ ترے در سے بے قرار آۓ |
| جانِ خستہ ہی نہیں دیدۂ گریاں لاۓ |
| اشکِ پیہم تری راہوں پہ نثار آۓ |
| جذبۂ دل کی صداقت کا نہ پوچھو یارو |
| سرخ رخسار لبِ شیریں پہ وار آۓ |
| وہ تبسم وہ تکلم وہ ادائیں جاناں |
| تیری یادوں سے غمِ دل کو نکھار آۓ |
| رنجشِیں تجھ سے دلِ زار کو بے حد ہیں مگر |
| آ بھی جا اے دلِ جانی کہ قرار آۓ |
| ہم کہ مدت سے اسی آس میں بیٹھے شاہؔی |
| کہ کبھی پُرسشِ احوال کو یار آۓ |
معلومات