| عطرِ گل جن کا پسینہ ان پہ ہوں لاکھوں سلام |
| وہ ہیں سلطانِ مدینہ ان پہ ہوں لاکھوں سلام |
| یارِ غارِ ثور ہیں جو جانثارِ مصطفی |
| یارِ سلطان مدینہ ان پہ ہوں لاکھوں سلام |
| وہ عمر فاروق جن کی ہیبت و ڈر دیکھ کر |
| کفر کا نکلا پسینہ ان پہ ہوں لاکھوں سلام |
| پیکرِ شرم و حیا عثمان پر ہوں رحمتیں |
| راحتِ شاہ مدینہ ان پہ ہوں لاکھوں سلام |
| شیرِ حق جو حیدرِ کرار دامادِ نبی |
| علم و حکمت کا خزینہ ان پہ ہوں لاکھوں سلام |
| مصطفی حسنین حیدر فاطمہ پر رحمتیں |
| پاک ہے سارا سفینہ ان پہ ہوں لاکھوں سلام |
| تیرے ہیں اصحاب سارے جنتی یا مصطفیٰ |
| تھاما سب نے تیرا زینہ ان پہ ہوں لاکھوں سلام |
| وہ امام الاولیاء غوثِ جلی ابنِ علی |
| وہ طریقت کا خرینہ ان پہ ہوں لاکھوں سلام |
| دورِ حاضر کا جو سلطاں پیر ہے عطار،وہ |
| عاشقِ شاہِ مدینہ ان پہ ہوں لاکھوں سلام |
| سارے نیکوں پاکوں پر عاجز دعا ہے ہو کرم |
| فضلِ سلطانِ مدینہ ان پہ ہو لاکھوں سلام |
معلومات