| ابھی تلک ہے رہا کچھ نہ کچھ اثر باقی |
| نہ میکدہ نہ رہی مے ہے بُوند بھر باقی |
| یقیں ہے کل یہاں انسان گھر بنائے گا |
| نقوشِ پا ابھی اس کے ہیں چاند پر باقی |
| لکھی ہے خط میں اسے دل پہ جو بھی گزری وہ سب |
| سلام لکھنا اسے رہ گیا مگر باقی |
| گئے تھے یاد ہے اک روز اس کی محفل میں |
| ہے ذکر اس کا ابھی تک زبان پر باقی |
| وہ دور پار سمندر سے جا بسے سارے |
| تو کیوں ہیں منصفوں کی کرسیاں اِدھر باقی |
| تمام عمر گزاری جواب دینے میں |
| حساب اپنا ہے طارق ابھی دگر باقی |
معلومات