| جس کو پائندگی نہیں کہتے |
| اُس کو مردانگی نہیں کہتے |
| دیکھ کر گر نگہ نہ خیرہ ہو |
| اُس کو تابندگی نہیں کہتے |
| رسمِ دنیا نبھا نہیں پائے |
| اس کو درماندگی نہیں کہتے |
| عشق میں گر جنون ہو جائے |
| اس کو دیوانگی نہیں کہتے |
| وہ جو آئے تو دل سکوں پائے |
| اس کو بیگانگی نہیں کہتے |
| علم ہو پر نہ ہوں وسائل گر |
| اس کو ناخواندگی نہیں کہتے |
| جب ترقی پذیر ہو دنیا |
| اس کو پس ماندگی نہیں کہتے |
| ہو سگے گر نہ بندگی طارق |
| اُس کو پھر زندگی نہیں کہتے |
معلومات