| فیصلہ یہ کرو کیا سزا دو گے تم |
| اپنی محفل میں لا کے رلا دو گے تم |
| زخم جن کو سلانے میں مدت لگی |
| ایک لمحے میں ان کو جگا دو گے تم |
| رات بھر آندھیوں سے بچا کر رکھا |
| آخری اس دیئے کو بجھا دو گے تم |
| کیا کوئی کھیل باقی بچا ہے ابھی |
| سر اٹھا ہے ابھی تک جھکا دو گے تم |
| عمر بھر جل کے سونے سے کندن بنا |
| آج کندن کو مٹی بنا دو گے تم |
| چھوڑ کر جا رہا ہوں ترے شہر کو |
| اب بھی امید ہے یہ صدا دو گے تم |
| اب بھی موقع ہے مجھ کو بچا لو صنم |
| مر گیا پھر مجھے کیا دوا دو گے تم |
| بن تمہارے گوارا نہیں زندگی |
| جان دے دوں تو بدلے میں کیا دو گے تم |
| ق |
| بس یہی سوچ کر جان حلقان ہے |
| بعد میرے کتابیں جلا دو گے تم |
معلومات