| تم نے یہ دین کہاں سے یہ دھرم سیکھا ہے |
| نفرتیں دل میں بڑھانے کا کرم سیکھا ہے |
| جاں بہ لب لوگ بھی مایوس نہیں اس سے ہوئے |
| اس مسیحا نے مرے موت کا دم سیکھا ہے |
| ہم نے ہر دور میں دیکھا ہے محبّت کا اثر |
| آگے بڑھتا ہے جو نیکی کا قدم سیکھا ہے |
| اس کے مجھ پر جو تسلسل سے ہیں احسان رہے |
| نگہِ لطف پہ سر کرتے ہیں خم سیکھا ہے |
| ایک مٹی سے بنے جب تو سبھی ایک ہوئے |
| سارے انساں ہیں عرب ہو کہ عجم سیکھا ہے |
| اس نے مجھ سے ہی نہیں سب سے محبّت کی ہے |
| یوں بھی کر دیتے ہیں احسان صنم سیکھا ہے |
| حق کی آواز کو پہنچائیں جہاں تک پہنچے |
| حق ادا کر دے وہ اندازِ رقم سیکھا ہے |
| طارق اب اور تو کھولو نہ دریچے دل کے |
| رکھ لیا جائے کسی کا جو بھرم سیکھا ہے |
معلومات