| ہجراں کے تماشے میں گزر جاتی ہیں راتیں |
| آنکھوں میں اترتی ہیں، بکھر جاتی ہیں راتیں |
| یادوں کی رفاقت سے چراغاں ہے دلوں میں |
| سجتی ہیں، سنورتی ہیں، نکھر جاتی ہیں راتیں |
| ہر شام جو ڈھلتی ہے دعاؤں کے اثر میں |
| خاموشی کے پردے میں سنور جاتی ہیں راتیں |
| چاہت کی تمنا میں میں عجب حال ہے اپنا |
| آنکھوں میں گزرتی ہیں، ٹھہر جاتی ہیں راتیں |
| ہر پھول کی آنکھوں میں ہے جگنو کی کہانی |
| خوشبو کی طرح دل میں اتر جاتی ہیں راتیں |
| سائے بھی مرے ساتھ پلٹتے ہیں اگر چہ |
| پلکوں پہ ٹھہرتی ہیں، مکر جاتی ہیں راتیں |
| خاموش دریچوں پہ سجاتی ہیں کئ خواب |
| ہاتھوں کی لکیروں پہ بکھر جاتی ہیں راتیں |
معلومات