| پردے میں رہ کے بھی عیاں حسن و جمال کر دیا |
| ہر شے بنا کے آئنہ اس نے کمال کر دیا |
| میں تو گیا تھا مانگنے دید کی اک جھلک مگر |
| وعدۂ وصل سے مجھے اس نے نہال کر دیا |
| اس کے بغیر زندگی گزری جو بے مزہ تھی وہ |
| پایا اسے تو بھولنا دل نے محال کر دیا |
| لذّتِ قُرب دائمی پانا ہے مقصدِ حیات |
| اُس نے تو میری چاہتوں کو لا زوال کر دیا |
| اُس کو بتاؤں کیا بھلا اُس کو تو خود ہے سب پتہ |
| دنیا نے اُس کے دین کا کیا بُرا حال کر دیا |
| اس میں سے کچھ جو دے دیا اس نے کیا تھا جو عطا |
| اس نے کئی گُنا مرا مال و منال کر دیا |
| طارق ادب سے تُو ذرا اس کی گلی میں رکھ قدم |
| اس نے ثبوت پیار کا تُجھ کو سنبھال کر دیا |
معلومات