| کہوں کیا حال جو دل کا ہوا ہے |
| بہاریں ہے یہ دل الجھا ہوا ہے |
| بڑا اس کا یہاں چرچہ ہوا ہے |
| ذرا ہم بھی تو دیکھیں کیا ہوا ہے |
| کہ جس کی یاد میں سب کچھ بھلایا |
| وہی ہم کو یہاں بھولا ہوا ہے |
| دکھاتا ہے مجھے اب وہ بھی رستہ |
| جو میرے سامنے پیدا ہوا ہے |
| اسے کچھ بھی نہیں ہے فکر میری |
| کہ جس کے غم میں دل ڈوبا ہوا ہے |
| ہاں دیوارِ گمانِ بد گرائیں |
| کہ اس دیوار سے گھاٹا ہوا ہے |
| کہیں مل جائے احسنؔ تو بتانا |
| اسے مل کر مجھے عرصہ ہوا ہے |
معلومات