| چشمِ جہانِ سنگ و خرافات سوچ مت |
| چل میرے ساتھ بعد کے حالات سوچ مت |
| یہ رقصِ صحنِ شب ہے دمِ ورزشِ جنوں |
| ہو جا فنا جنوں میں کوئی بات سوچ مت |
| واللہ، گمان و سوز و فریب و فسوں غضب |
| مخلوقِ دشتِ شوق کے خطرات سوچ مت |
| ہم شہرِ آرزو کے پراسرار لوگ ہیں |
| دنیاۓ کج ادا کی رسومات سوچ مت |
| بندِ قبا کو کھول کمالِ وصال دیکھ |
| مخمور ہو لے شعبدۂِ جذبات سوچ مت |
| آ میرے سنگ شوقِ سفر کا مزہ اٹھا |
| منزل کو چھوڑ جبرِ مسافات سوچ مت |
| عمرِ رواں کے ساتھ ہے آسیبِ رفتگاں |
| پچھتاوا ہوگا، کر لے ملاقات، سوچ مت |
معلومات