| موجِ جنوں کو، اپنے ہی اندر اٹھا لیا |
| "قطرہ اٹھا، اور اٹھ کے سمندر اٹھا لیا" |
| جب بارِ عشقِ یار، کسی سے، نہ اٹھ سکا |
| تو بارِ عشق، تنہا قلندر اٹھا لیا |
| قتلِ فسادِ دل کے لیئے، عشقِ یار نے |
| خنجر اٹھا لیا، کبھی نشتر اٹھا لیا |
| اِک علم کی ہے عقل، تو اِک عقلِ عشق ہے |
| تب علم آ کے، عشق کو، سر پر اٹھا لیا |
| جو کچھ بھی، زخم و رنج ملے، تیری راہ میں |
| دامن میں پھول عشق کے بھر کر اٹھا لیا |
| دُرویشِ کوئے یار، جو دیوانے سا لگا |
| لوگوں نے اُس کو دیکھ کے پتھر اٹھا لیا |
| عاشق سے اوپر اٹھ کے میں مجنوں بَنا ذکیؔ |
| کم تر کو ترک کر دیا، بہتر اٹھا لیا |
معلومات