| زندگی دوڑتی جائے بڑی رفتار کے ساتھ |
| ہم فقط دیکھیں اسے بیٹھ کے دیوار کے ساتھ |
| ہاتھ میں لے کے قلم ہم نے تو پیغام دیا |
| کس نے پھیلایا ہے اسلام کو تلوار کے ساتھ |
| ماہِ کنعاں کو جو دیکھا تو چلے آئے سب |
| چل دیا چپکے سے لیکن وہ خریدار کے ساتھ |
| وصل کی آس میں جاری رہیں سانسیں ورنہ |
| کس نے جینا تھا ترے ہجر کے آزار کے ساتھ |
| خوف ہے دل میں وہ بخشے گا یہ امّید بھی ہے |
| دیکھیں کیا کرتا ہے وہ مجھ سے گنہ گار کے ساتھ |
| گفتگو اس نے جو کی تھی کبھی محفوظ تو ہے |
| روز آتا ہے مگر وہ نئے افکار کے ساتھ |
| تو جہاں گزرے مہک تیری فضا میں آئے |
| ہے معطر تِرا گھر بھی ترے کردار کے ساتھ |
| صاف سیدھی ہو اگر بات وہی دل کو لگے |
| ورنہ ہوتا نہ اثر یوں ترے اشعار کے ساتھ |
معلومات