| یقیناً یہ بڑا احسان ہو گا |
| نیازِ حُسن جو کُچھ دان ہوگا |
| بُجھا لینے دو پہلے پیاس من کی |
| پِھر اُس کے بعد جو فرمان ہو گا |
| مکاں ہم نے بھی چھوڑا، تُم گئے تو |
| بُجھے دِل کی طرح وِیران ہو گا |
| مسل دے دِل کو جو غُنچہ سمجھ کر |
| نہِیں اِنساں، کوئی حیوان ہو گا |
| ہمیں مِلنے کی تُم سے جیسی چاہت |
| تُمہارے دل میں بھی ارمان ہو گا |
| نہِیں ہم جانے والے اب یہاں سے |
| تُمہارا آستاں، اِستھان ہو گا |
| جِسے تُم چھوڑ آئے بِیچ رستے |
| وہ کِتنا بے سر و سامان ہو گا |
| محبّت کی بنے گی راجدھانی |
| شِکستہ دِل کوئی سُلطان ہو گا |
| بہُت ڈر ڈر کے حسرتؔ دِن گُزارے |
| جو ہو گا اب علی الاعلان ہو گا |
| رشید حسرتؔ |
معلومات