| قرار جان ہو تم وجہ بے قراری ہو |
| چلے بھی آؤ کہ تم وجہ آہ و زاری ہو |
| وجود عشق کو تم سے دوام ملتا ہے |
| مرے بھی قلب کی اب ایسی آب یاری ہو |
| تمھاری یاد میں مچلوں میں گھوموں بےکل سا |
| نقاب رخ جو أٹھاؤ سکون طاری ہو |
| فساد نفس ہے اور ناتواں مسافر ہے |
| کہیں نہ ایسا ہو محشر میں شرم ساری ہو |
| تمھاری ملک ہے ایسی جسے جو چاہو دو |
| اے کاش مجھ کو عطا تیری و فا داری ہو |
| فراق قرب ہو خلوت ہو یا کہ جلوت ہو |
| مرے نفس میں فقط تیری یاد جاری ہو |
| الہی کردے عطا ایسی فکر کے لب پر |
| سلام و نعت کے گجرےدرود جاری ہو |
| الہی وقت نزع یاد ان کو کرتا ہوں |
| مرے نصیب میں ان کی یہ غم گساری ہو |
| خدا کی خلق میں بے عیب بے مثال ہوئے |
| نظر جو آئے وہ گنبد وہ جالیاں تیری |
| نگاہ مست ہو اور دل پہ کیف طاری ہو |
| صحابہ آپ کے سب ہی ہیں زینتِ ایماں |
| یہی ہے عرض شہا سب کی تابعِ داری ہو |
| دکھادو رخ کے ہوا عرصہ تیرے ذیشان کو |
| جھلک ہو آ پ کی اور رسم طرح داری ہو |
معلومات