| لو ہاتف سے شاید پیام آ رہا ہے |
| لبوں پر صلاۃ و سلام آ رہا ہے |
| ہوا عطرِ دلبر مدینہ سے لائی |
| نبی کا زباں پر جو نام آ رہا ہے |
| ہے چھائی دہر پر گھٹا رحمتوں کی |
| گماں میں بھی اعلیٰ مقام آ رہا ہے |
| ضیا نورِ حق کی جو آفاق پر ہے |
| جہاں میں یہ ماہِ تمام آ رہا ہے |
| دلائے غلاموں کو جو تاجِ شاہی |
| وہی انبیا کا امام آ رہا ہے |
| درودوں کے گجرے ہمیشہ جو بھیجے |
| سدا اس پہ ان کا سلام آ رہا ہے |
| ہیں مسرور محشر میں بردے نبی کے |
| وسیلہ غلاموں کے کام آ رہا ہے |
| ملے کامرانی اسے یومِ محشر |
| جسے کہہ دیں آقا غلام آ رہا ہے |
| مبارک ہے محمود! اُن کی غلامی |
| یہی ہے وہ ناطہ جو کام آ رہا ہے |
معلومات