| مری آنکھ میں بھر جمالِ محمد ﷺ |
| مرے دل کو دے دے خیالِ محمد ﷺ |
| کسی کا بھی محتاج پھر کیوں رہوں میں |
| اگر ہو لبوں پر سوالِ محمد ﷺ |
| ہے واصل خدا سے‘ نہ بندوں سے غافل |
| یہی دیکھ لے اک کمالِ محمد ﷺ |
| زمانے سے کوئی غرض کیا رہے گی |
| ملے جو کسی دن وصالِ محمد ﷺ |
| مرے تاجِ سر ہیں مرے دل کی راحت |
| غلامان و اہل و عیالِ محمد ﷺ |
| ہر اک مہ جبیں پر ترا حسن غالب |
| میں قربان تجھ پر بلالِ محمد ﷺ |
| کہیں چھپ نہ جائے قمر آسماں کا |
| جو دیکھے زمیں پر ہلالِ محمد ﷺ |
| خدا نے بنائی نہیں کوئی صورت |
| کہاں کوئی لائے مثالِ محمدﷺ |
| گرے اس کی ہیبت سے اصنامِ کعبہ |
| ہے باطل پہ ثابت جلالِ محمد ﷺ |
| مرے داغ دل پر نظر تو ہے جامی |
| جو قائم ہے عشق و ملالِ محمد ﷺ |
معلومات