.jpg)
| کُل جَہاں ہے نِشاں، حق نِشاں کے لئے |
| رازِ حق ہے عَیاں، حق نُما کے لئے |
| ہے وَرَاءُ الْوَرَا، بولتا ہے اَنَا |
| ساری حَمد و ثَنا، خُود نُما کے لئے |
| راستہ ہے خُودی ،خُود ہی منزل ہُوا |
| خُود ہی رہبر ہُوا، رہنُما کے لئے |
| خُود بنا کے بُتاں، رُوح اپنی بَھرے |
| خُود سُنائے سَزا، بُت نُما کے لئے |
| خُود سِکھائے دُعا، خُود وَسیلہ بنے |
| خُود سِکھائے اَدا، وہ دُعا کے لئے |
| لَنْ تَرَانِیْ کہا، پھر بھی بیخُود کیا |
| جامِ حق ہے جُدا، ہر فِدا کے لئے |
| جان پہچان کو، حُسن ظاہر ہُوا |
| عِشق پیدا ہُوا، خُوش نُما کے لئے |
| نا ہی کِردار ہوں، نا ہی مُختار ہوں |
| میں تو قِرطاس ہوں، رُونُما کے لئے |
معلومات