| اک طرف زندگی محال بہت |
| اور خوابوں پہ ہے کمال بہت |
| اک طرف جوش ہے امنگوں کا |
| اور پھر بھوک سے نڈھال بہت |
| بارشیں رحم کی نہیں رکتیں |
| اک طرف قہر اور زوال بہت |
| بھائی بھائی کا اب گلہ کاٹے |
| خون کا رنگ پھر بھی لال بہت |
| مٹ گئیں سب عبارتیں جو تھیں |
| پوچھے جائیں گے اب سوال بہت |
| اک طرف خیر بٹ رہی سب میں |
| اک طرف شر کے سخت جال بہت |
| ضد پہ کیوں ہے یہ زندگی قائم ؟ |
| کیونکہ ضد سے ہے یاں جمال بہت |
| زندگی خیر ہے یا شر شاہدؔ |
| کافی مشکل ہے یہ سوال بہت |
معلومات