| ماہ و انجم دل گرفتہ ، خستہ دل ہے کہکشاں |
| تشنہ لب ہیں بادہ کش اور ہے لبِ رخصت یہ جاں |
| ہاۓ کیا افتاد آئی بزمِ دل پر ناگہاں |
| جارہے ہیں مے کدے سے ساقیٔ راحت رساں |
| حسنِ سیرت حسنِ صورت اے گلِ غنچہ دہن |
| اس تکلم پر فدا ہے ہر لبِ شیریں سخن |
| قاسم و گنگوہی کے اے جانشینِ فکر و فن |
| تیرے دم سے تھی فروزاں جان و دل کی انجمن |
| مدنی و محمود و اشرف کا یہ دلکش گلستاں |
| مے کشانِ بادۂ علم و ہنر کا آستاں |
| راہیٔ گم گشتۂ دل کے لیے منزل رساں |
| ہند میں ہے عظمتِ اسلام کا یہ پاسباں |
| گر کرم کردند شاہاں بر گدایاں چہ عجب |
| تیرے یہ مے خوار ہوں ساقی سدا ساغر طلب |
| ہو خوشا قسمت ترے صدقے یہ شاہیؔ بے ادب |
| آفتابِ صبحِ روشن ماہتابِ تیرِ شب |
معلومات