| خدائے پاک کی رحمت کی انتہا احمدْﷺ |
| کہ جس کا کوئی نہیں اس کا آسرا احمدﷺ |
| خدا کا نور لباسِ بشر میں اترا ہے |
| زمیں پہ نورِ خدا کا ہے سلسلہ احمدﷺ |
| تھا اک ہجوم لگا ہر طرف خداؤں کا |
| تو لائے واحد و یکتا کا پھر پتا احمدﷺ |
| جو پتھروں سے لہو آپ کا بہاتے تھے |
| خدا سے ان کے لئے کرتے تھے دعا احمدﷺ |
| کروں میں شکر کے سجدے خدائے برتر کے |
| کہ بن کے رحمتِ عُظمیٰ ہوئے عطا احمدﷺ |
| جہاں جہاں بھی میری یہ نظر گئی عظمیٰؔ |
| وہاں وہاں نظر آئے ہیں مصطفیٰ احمدﷺ |
معلومات