| بے حد ہماری ذات میں پیوست غم ہوئے |
| مضبوط جتنے ہم ہوۓ اتنے ہی نم ہوئے |
| خوشیوں کی انجمن میں بھی رکھے قدم مگر |
| یہ غم ہماری ذات سے پھر بھی نہ کم ہوئے |
| لاکھوں تھی چاہتیں یہاں اسواقِ دہر میں |
| تیری ہی چاہتوں میں گرفتار ہم ہوئے |
| جس کے بھی پاس تاب و تحمل نہ تھا یہاں |
| وہ لوگ عشق کر کے سراپا الم ہوئے |
| ہے عشق میں اذیّتِ زَرق و مُفارَقَت |
| اس کے سوا بھی ہم پہ بہت سے ستم ہوئے |
| حاکم کے بر خلاف جو تحریر کی رقم |
| بس یہ سبب تھا ہاتھ جو میرے قلم ہوئے |
| تَرکِ نَبَردِ عشق سے حاقِد ظَفَر ہوا |
| نفرت کے ہی فضا میں پھر اونچے عَلَم ہوئے |
| حسانؔ کیسے سامنا اغیار کا کرے |
| اپنوں کی بے رخی سے ہی جب چشم نم ہوۓ |
معلومات