| انسان کو ہے اب نئے افکار کی تلاش |
| جو امن و آشتی کو ہیں درکار، کی تلاش |
| ذمّہ کوئی نہ ہم پہ ہو ہم چاہے کچھ کریں |
| ہم کو ہے بس کہ ایسے ہی آدھار کی تلاش |
| جو سچ کو جھوٹ، جھوٹ کو سچ پیش کر سکے |
| دنیا کو اب ہے ایسے ہی فنکار کی تلاش |
| اب دنیا دار قوم کے ہیرو ہیں بن گئے |
| اب کس کو ہے یہاں کسی دیں دار کی تلاش |
| سچ بیچتے ہیں مسندوں پر بیٹھ کر یہ شیخ |
| کرتے ہیں پھر یہ بعد میں دستار کی تلاش |
| جو لے گیا ہے چپکے سے اخلاق قوم کے |
| آؤ کریں سبھی اسی خرکار کی تلاش |
| پہلے دعائیں کرنے کا حق کر جو لو ادا |
| تم کرنا پھر دعاؤں کے اثمار کی تلاش |
| جس نے تباہ کردی معیشت بے انتہا |
| اب قوم خود کرے اسی غدّار کی تلاش |
| ملاّ کو فتوے پادری کو ہے صلیب کی |
| پنڈت کو ہو رہی ہے جی زنّار کی تلاش |
| ملاّ کو فتوے پادری کو ہے صلیب کی |
| پنڈت کو ہو رہی ہے جی زنّار کی تلاش |
| مشکل ہے پر ہے طاہرہ کو اس کی جستجو |
| بکتا نہ سچ ہو ایسے ہی بازار کی تلاش |
| طاہرہ مسعود المعروف بادِ صبا |
| 16 ستمبر 2020 |
| طاہرہ مسعود المعروف بادِ صبا |
| 17 ستمبر 2022 |
معلومات