مجھکو خدشہ ہے مجھے چھوڑ نہ جاؤ اک دن |
ورنہ اتنا تو کرو پیار سے چاہو اک دن |
وہ جو اک گیت مرے پیار میں گایا تھا کبھی |
آؤ اور آ کے مرے سامنے گاؤ اک دن |
مونہہ پہ لاتے ہوئے ڈرتے ہو اگر دل کی زباں |
اچھّا چوری سے کبھی آنکھ ملاؤ اک دن |
یوں تو ہر وقت مرے دل میں ہو آباد صنم |
لیکن ایسا ہو کبھی رُوح میں سماؤ اک دن |
جل کے دل راکھ ہؤا آنکھ سے آنسو نہ گرے |
آؤ اور آ کے مجھے خُوب رلاؤ اک دن |
یوں تو ہر روز مرا خوب اُڑایا ہے مذاق |
آؤ اور آ کے مری خاک اڑاؤ اک دن |
روز آتے ہو چلے جاتے ہو کر کے وعدہ |
اب کے آؤ تو کبھی آ کے نہ جاؤ اک دن |
جس طرح غیر کی تعریف پہ ہر دم ہو فدا |
اس طرح آ کے مرا پیار سراہو اک دن |
مَیں نے جس کے لئے لکھے ہیں یہ اشعار امید |
روبرو اُس کے انہیں جھوم کے گاؤ اک دن |
معلومات