| وہ خوب ہیں جو الجھی ہوئی گرہیں کھولتے ہیں |
| بد وہ ہیں جو شرفِ انسانی رولتے ہیں |
| پیاروں کے دست و بازو توڑ نے والے سن |
| تجھ سے ظالم عَبَث اُڑنے کو پَر تولتے ہیں |
| یہ حیات خوشی و غمی کا جھولا جھولتی ہے |
| جیسے بچے ساون میں جھولا جھولتے ہیں |
| جو لوگ بھرے گھر میں بھی تنہا ہوتے ہیں |
| وہ تو بس سنتے ہیں باقی سب بولتے ہیں |
| بد فطرت یہ چلتے پھرتے زندہ لاشے |
| کیسے اپنی ہی رگوں میں نفرت گھولتے ہیں |
| مصروف تو جان نہیں سکتے کہ عزیزوں کے |
| کیوں کیسے دل اور چلتے قدم بھی ڈولتے ہیں |
| اُن کا جینا بھی کیا جینا ہوتا ہے حسن |
| وہ جو روشن گھروں میں بھی رستہ ٹٹولتے ہیں |
معلومات