| یاد احمد میں مثل گل کے کھِلا جاتا ہے دل |
| ذکر محبوبِ خدا سے جگمگا جاتا ہے دل |
| نامۂ اعمال میرا پُر ہے عصیاں سے مگر |
| رحمتِ عالم کی رحمت پر یہ اِتراتا ہے دل |
| ملتی ہے تسکین بے حد اُنﷺ کی بزمِ ناز میں |
| غیر کی محفل میں یہ جانے سے گھبراتا ہے دل |
| انﷺ کی رحمت ہی تو ہے جس پر ہے نازاں دل مرا |
| دیکھتا ہوں خود کو جب بے حد یہ شرماتا ہے دل |
| کیوں نہیں کرتے کوئی تدبیر حاضر ہوں وہاں |
| ہر گھڑی مجھ سے یہ فرمائش کیے جاتا ہے دل |
| ذکر چھڑ جائے اگر انﷺ کی گلی کا اے عتیق |
| یاد میں انﷺ کی مچل کر تِلملا جاتا ہے دل |
معلومات